Goðaland
Yfir Réttarfell
Gönguleiðinni upp á Réttarfell er lýst hér . í framhaldi af henni er haldað áfram norðvestur af toppnum og niður á og er hér haldið áfram niiður Réttarfellshálsinn. Þar hlykkjast Einstígur niður að Álfakirkju.
Gönguleið er alls ekki fyrir lofthrædda og er ítrekað að hún getur verið hættuleg nema ítrustu varkárni sé gætt. Um leið er skylt að geta þess að leiðin er gríðarlega falleg.
Gengið er í norðvestur og niður af toppi fjallsins. Göngustígurinn er víðast hvar vel greinilegur nema þar sem hann liggur yfir auðar móbergsklappir. Nauðsynlegt er að gæta ítrustu varúðar á auðum, hallandi klöppum því þar geta menn auðveldlega runnið til. Gengið er á einum stað yfir gat í gegnum móbergið og er vinsælt að taka mynd af ferðafélaganum sem stendur bókstaflega á gati!
Fyrri hluti leiðarinnar er á köflum svolítið tæpur en seinni hluti leiðarinnar er mun auðveldari.
Oft getur verið hlýtt og gott er þarna í björtu sumarveðri og svo skýlt að finna má bláber, krækiber, hrútaber og jafnvel jarðarberjaplöntur en ekki er vitað til þess að jarðarber hafi fundist.
Á einum stað liggur göngustígurinn fram hjá gróðursælum kletti sem hallar inn á við og þar er tilvalið að leggjast fram á brún og líta yfir Krossáraura og horfa inn í Langadal þar sem iðar allt af mannlífi og gaman er að fylgjast með jeppum og rútum við Krossá.
Svo minnkar brattinn smám saman uns komið er niður á sléttlendi við Álfakirkju. Þórður Tómasson segir í bók sinni Þórsmörk að Eyjólfur Eyfells listmálari hafi gefið þessum sérkennilega móbergskletti nafnið því hann hafi séð álfaslot í hverjum hamri.
Gönguleiðirnar
-
Hattur
-
Hátindar
-
Heljarkambur
-
Fimmvörðuháls
-
Hestagötur og Foldir
-
Húsadalur
-
Hvannárgil
-
Hvannárgil fremra
-
Krossárjökull
-
Krossárjökull syðri
-
Krossárjökull, nyrðri
-
Langidalur
-
Langidalur í Bása
-
Litfari
-
Litli-endi
-
Merkurbæir að Gígjökli
-
Merkurker
-
Merkurrani
-
Mófell
-
Múlatungur
-
Nauthúsagil
-
Rjúpnafell
-
Skerjaleiðin við Grýtutind
-
Slyppugil
-
Snorraríki
-
Stakkholt
-
Stakkholtsgjá
-
Stakur
-
Stangarháls
-
Steinsholt
-
Steinsholtsjökull
-
Stórendi
-
Strákagil
-
Strákagil, Foldir, Hrunaá
-
Teigstungur
-
Tindfjöll
-
Tungnakvíslarjökull, N-leið
-
Tungnakvíslarjökull, S-leið
-
Útigönguhöfði
-
Útigönguhöfði, hringur
-
Útigönguhöfði, yfir hann
-
Valahnúkur
-
Valahnúkur, hringur
-
Þórsmörk
-