Réttarfell
Réttarfell er stórt fjall við Bása og er ásamt Útigönguhöfða nokkurs konar útverðir svæðisins. Fjallið er stórt, fallegt og vinalegt. Það býr yfir mörgum leyndum stöðum sem sá einn sér sem upp fer.
Uppgangan er mjög auðveld og er göngustíg fylgt alla leið. Gangan hefst á hlaði Básaskála og er gengið yfir Básalækinn og eftir stígnum sem hverfur inn í kjarrið og hlykkjast síðan upp á við. Gangan upp í Fremra Básaskarð tekur um það bil hálftíma. Seinni hlutinn er brattari þó ekki sé hann jafn langur og sá fyrri en hliðarhalli er þar nokkur.
Í Fremra-Básaskarði er vegprestur enda um nokkrar leiðir að velja. Þó er fyrri áætlun haldið og göngustígnum fylgt upp bratta hlíðina á toppinn. Þar er nokkuð slétt og er fyrst farið að vörðunni sem er á hæsta hlutanum. Margir hafa þann sið að leggja stein í vörður til fararheilla.
Útsýni er óvíða betra yfir Þórsmörk, Goðaland og Stakkholt og vandfundinn staður sem víðsýnna er frá annar en Útigönguhöfði en gangan þangað krefst þó meiri vinnu en sú á Réttarfell. Hér er mælt með því að ganga norður á fjallið og líta yfir í Þórsmörk. Þar blasir Valahnúkur við, sem flestir kannast við, lítið eitt lægri.
Af tindinum eru tvær leiðir. Flestir fara sömu leið til baka. Aðrir fara niður Réttarfellsháls, um svokallaðan Einstíg. Sú leið er stórfalleg og spennandi en hentar alls ekki fyrir lofthrædda þar sem stígurinn er víða mjög tæpur og bratt til beggja handa. Þá er komið niður á láglendi við Álfakirkju.
Gönguleiðirnar
-
Hattur
-
Hátindar
-
Heljarkambur
-
Fimmvörðuháls
-
Hestagötur og Foldir
-
Húsadalur
-
Hvannárgil
-
Hvannárgil fremra
-
Krossárjökull
-
Krossárjökull syðri
-
Krossárjökull, nyrðri
-
Langidalur
-
Langidalur í Bása
-
Litfari
-
Litli-endi
-
Merkurbæir að Gígjökli
-
Merkurker
-
Merkurrani
-
Mófell
-
Múlatungur
-
Nauthúsagil
-
Rjúpnafell
-
Skerjaleiðin við Grýtutind
-
Slyppugil
-
Snorraríki
-
Stakkholt
-
Stakkholtsgjá
-
Stakur
-
Stangarháls
-
Steinsholt
-
Steinsholtsjökull
-
Stórendi
-
Strákagil
-
Strákagil, Foldir, Hrunaá
-
Teigstungur
-
Tindfjöll
-
Tungnakvíslarjökull, N-leið
-
Tungnakvíslarjökull, S-leið
-
Útigönguhöfði
-
Útigönguhöfði, hringur
-
Útigönguhöfði, yfir hann
-
Valahnúkur
-
Valahnúkur, hringur
-
Þórsmörk
-