Múlatungur

Bláfell

 

Afar fáfarið er á Bláfell eða Bláhaus í Múlatungum. Fjallið lætur ekki mikið yfir sér enda er landslagið allt svo mikilúðlegt og augu fólks hvarfla frekar upp til hvítra jökla en á gróðurlítil fjöll hið neðra. Auðgengið er þó á fjallið.

 

Sem fyrr er upphaf göngunnar við Hrunaá. Áður en brúin hvarf í vatnavöxtum árið 2008 var auðfarið yfir. Þá var gengið að Tungnakvísl og yfir göngubrú sem þarf og stefnt sjónhendingu á Bláfell. Gengið er upp hrygginn vestan í fjallinu og þar áleiðis á tindinn. Hamrar eru fyrir neðan þann tind sem stefnt er á. Því þarf  að fara vestan við þá og þar upp bratta skriðu og er þá skammt á tindinn.

 

Þegar upp er komið sést að hærri tindar eru fjær en á milli eru erfið gil og skörð og er því þessi látinn nægja.