Þórsmörk

Hamraskógar

 

Hamraskógar eru birkiskógur norðan við Langadal og austan Húsadals. Gönguleiðin milli Landmannalauga og Þórsmerkur liggur þar um og því er hún vel merkt og auðratað þangað úr Langadal.

 

Í Hamraskóga er frekar fáfarið, ekki vegna þess að þangað er torleiði, heldur vita fáir af þessum fallega skógi. Þar er þó ákaflega fallegt og tímanum vel varið að fara þangað.

 

Gengið er inn Langadal og upp á Húsadalsfoldir, hálsana fyrir innan Langadal og ofan Húsadals og þaðan niður í Hamraskóga. Gamall akvegur liggur í gegnum skógana og þjónar nú sem aðalbraut gangandi vegfarenda.

Endimörk Hamraskóga í norðri er Þröngá og er ástæðulaust að fara lengra.

 

Þaðan má til dæmis ganga að Markarfljóti og fylgja því þar til komið er til móts við mynni Húsadals. Hægt er að ganga til austurs og upp með Tindfjallagili og þaða að Slyppugili og í Langadal. Einnig má rölta um skóginn og velja sér sólskinsblett til að hvílast, en skógurinn liggur mjög vel við sól.