Teigstungur

Göltur

Göltur er sem risastór vegprestur, auðþekkjanlegur og sést víða að en samt er eins og enginn taki eftir honum.

 

Hann er svipaður á hæð og Réttarfell við Bása, örlitlu hærri en Valahnúkur. Ekki er vitað hvaðan nafnið kemur því fátt er galtarlegt við fjallið. Það ber þó annað nafn sem er  skiljanlegra. Efst uppi er mikil bergstandur sem rís nær ókleifur til himins og þar með er nafnið komið, Stóristandur sem er ólíkt betra við hæfi.

 

Meðan Hrunaárbrúar naut við hófst gangan þar enda skammt að fjallinu. Gengið er upp gróðurræmu suðvestan í fjallinu og síðan sem leið liggur upp að sjálfum bergstandinum. Efst uppi verður brattara en þó er þar auðvelt uppgöngu. 

 

Fara má sömu leið til baka eða ganga niður í Stóraskarð sem er aðeins austar og þar niður á aurana við Tungnakvísl. Þaðan er skammur gangur til baka að Hrunaárbrú