Þórsmörk

Búðarhamar

 

Nokkur dulúð umlykur Búðarhamar og má það vera vegna nafnsins eða þjóðsögunnar en hvort tveggja gerir hann að áhugaverðum áfangastað í gönguferð um Krossáraura.

 

Búðarhamar er skammt innan við Stangarháls. Hann er ekki hár, aðeins á að giska 50 m en hann stendur í kjarri vöxnu landi sem nær allt frá Krossá og upp á fjallsbrún fyrir ofan. Sá hluti klettsins sem sýr að ánni er þverhníptur en auðvelt er að komast upp á hann hlíðarmegin.

 

Skammt fyrir innan Búðarhamar eru ármót Krossár og Hrunaár og sér þar inn til Galtar, Tungnakvíslarjökuls og Hruna.